阿輝眼見準老婆咁鍾意個單位，又見代理嘅態度殷勤，所以聽咗代理嘅建議，直接開張10萬蚊訂金嘅支票俾業主，個經紀仲响臨時買賣合約上幫阿輝刪去有關訂金託管 ...消費者專區>監管局於媒體發表的文章>黃Sir教路>2011年3月買樓步驟不可少   託管訂金好重要樓市持續暢旺，市場嘅筍盤愈見搶手。

置業人士買樓時，好多時遇到心儀嘅單位，都因為怕被其他買家捷足先登，而好心急入市。

不過，消費者就算買樓心切，都唔應該跳過重要嘅步驟，特別係涉及金錢交易嘅程序，以下係一個未有處理好訂金託管嘅個案，相信可以俾到置業人士一啲重要嘅啟示！預備同女友拉埋天窗嘅阿輝要物色新居，鎖定九龍某大型屋苑為目標，不過樓價高企，所以佢遲遲都未入市。

阿輝某日接到地產代理通知，話有個貨真價實嘅樓盤，面積、間隔同價錢都啱哂阿輝要求。

地產代理話筍盤難求，而且個盤有好多客傾緊，建議阿輝盡快落10萬蚊訂俾個業主，唔好走寶。

阿輝眼見準老婆咁鍾意個單位，又見代理嘅態度殷勤，所以聽咗代理嘅建議，直接開張10萬蚊訂金嘅支票俾業主，個經紀仲响臨時買賣合約上幫阿輝刪去有關訂金託管嘅條文。

點知，到簽署正式買賣合約嗰日，律師突然打電話俾阿輝，話阿輝嘅買入價比之前業主嘅購入價低好多，而且仲有未解除嘅按揭，即係話個物業有可能係負資產，業主仲不知所終添！結果阿輝不單只買唔成樓，仲損失埋10萬蚊訂金！事實上，地產代理監管局曾經發出執業通告，早排又通過電郵提醒業界，喺處理物業買賣及安排客戶訂立任宅物業買賣協議前，若果有關單位有未解除的按揭，就應話俾買家知直接向業主支付訂金嘅風險（例如業主收咗訂金後可能會潛逃），並建議買家將訂金（包括臨時訂金及大訂）交俾律師樓託管。

如果買賣雙方協定唔做訂金託管，地產代理應該提醒買方所涉及嘅風險同影響，同埋取得立約各方嘅確認書，確認佢哋已經知道訂金託管嘅建議及唔喺臨時買賣合約中加入訂金託管條款所涉及嘅風險。

阿輝個例子教訓我哋，置業時要留意物業係唔係負資產或者有未解除嘅按揭；如果係呢類物業，就要份外小心，將訂金託管喺律師樓，等律師確認樓價嘅餘款足夠清還按揭貸款，先至向業主發放訂金，就可以避免業主收訂後潛逃啦！如果有進一步疑問，就要徵詢法律意見，先至好繼續交易呀！（2011年3月）  活動月曆將會舉行的持續專業進修計劃和資格考試更多持牌人持牌人常用快速連結更多消費者專區給消費者的有用資料及常見問題更多準備考牌成為持牌人前的有用資料更多