香港科技大學商學院商學教育助理教授蕭錦榮，親自傳授三位科大工商管理學生Kenneth、Kenickie及Tommy入世的理財課，期間更自爆個人炒輪 ...on.cc東方互動主頁電子報要聞港聞兩岸國際財經娛樂副刊男極圈體育馬經波經社論專欄慈善基金昔日東方上一則下一則投資UWIN：學生理財先投資自己今年全球金融市場嚇到股民尖叫，港股亦由高位急跌了幾千點，不少股票價格跌到「心動價」，連帶同學們亦心郁郁想低撈幾手！咪住！人稱「榮哥」的科技大學人氣教授蕭錦榮卻叫學生們不要炒股，提醒有些事比炒股更賺錢喎！科大蕭錦榮（右一）指大學生努力讀書令將來的收入增加才是王道。

（何駿軒攝）香港科技大學商學院商學教育助理教授蕭錦榮，親自傳授三位科大工商管理學生Kenneth、Kenickie及Tommy入世的理財課，期間更自爆個人炒輪曾輸足九成，認真有血有淚！三位大學生首先分享了各自理財習慣，榮哥聽後，對Kenickie及Tommy從沒投資經驗毫不驚訝，更笑指，「我自己都係讀碩士臨畢業嗰陣先第一次買股票！」至於像Kenneth般有豐富投資經驗的學生，教授反表擔心，得悉Kenneth是在○八年股災後才入市後說，「我好怕後生仔無咩經歷過大股災，頭幾次投資嘗到甜頭。

唔知係因為股市好，定係真係選股能力高！如果係前者，我怕佢哋會喺跌市時輸得好慘。

」識儲錢才有理財基礎「有錢先有得諗理財，所以儲錢係非常重要。

」蕭錦榮說。

他亦以自身做例子，「我好努力慳錢，而且仲可慳到好狼！住屋企、劏房或者同人夾份租住，都無咩問題！做學生嘅，學識儲錢係好緊要。

」識慳、識儲錢固然重要，咁點投資先最賺錢？蕭錦榮回答：「識投資，梗係首要投資落自己度！學生只要做好本分，努力讀書，將來就會獲得更高嘅收入。

」他反指，因做兼職影響了學業，代價實在太大。

教授就幫Tommy做了簡單的計算，若兼職補習一個月賺3,000元，那一年就賺36,000元；但如果學生專注讀書，成功被投行聘用，月薪將比普遍大學生的平均薪酬高出數萬元，這條數更划算。

他建議學生們不要做兼職，更指借錢讀書也無所謂。

「學生貸款好低息，依家借錢，投資落自己度，相信佢哋之後可以賺番，仲有錢剩添！」他另稱，投資的目的也應是為了學習，而不是賺錢。

「我讀書嗰陣買股票，唔係為咗賺錢，而係畀個動機自己學習。

買股票係好複雜嘅判斷，唔係讀幾本書就夠。

」了解風險偏好添勝算透過買股票，可訓練市場觸覺，「單睇今年嘅投資環境，如港交所（00388）主席周松崗所言，起碼要留意3C，即匯率（Currency）、商品（Commodity）價格同中國（China）的經濟。

所以買股票不簡單。

」他補充，學投資需要交學費，特別因學生的資本不多，小額投資會蝕了手續費，且無法分散投資；同時，投資經驗少，更大大增加選錯股的風險。

投資不是賭博。

蕭錦榮慨嘆投資者一般要經歷過三次金融風暴才學懂成熟地投資。

「例如我經歷過九七、○三及○八年大跌市，先算可以。

」他續指用真金白銀投資前，調校好投資心態及了解自己承受風險能力，能增加勝算。

他指各人風險偏好不同，例如Kenickie用虛擬資金來投資，也顯得非常緊張，所以他未必適合高風險的投資，「記得投資最忌感覺差！我一直都唔鍾意用槓桿，幾年前輸過一次窩輪，輸咗九成！我話過，以後都唔再買窩輪！」強健體魄建立世界觀他總結了四樣大學生應做的投資，包括學業、分析能力、健康及人際關係。

「努力學習，令今日嘅你比昨日嘅你強！亦要有開放思維、宏觀視野，分析國內外新聞，建立世界觀。

而學生也應該善用大學嘅設備，例如考慮住宿，學習與人相處。

最後，訓練好自己嘅體魄，有健康就會有財富！」聽完教授分享投資喺自己身上嘅重要性，梗係要三位大學生坐言起行，寫低投資大計喇！Kenneth話：「我每月會讀三本書，分別係投資工具書、文學同英文書。

」Kenickie話：「我會學點分析股票！」Tommy話：「我會學多種外語。

」三位大學同學理財習慣月入過萬儲錢投資投資較進取的Kenneth每月收入過萬元，「我每個星期教兩三堂壁球，同埋喺金融公司做兼職，扣除使費，我每月會儲三千蚊，再用二千蚊去投資，會投資股票同窩輪。

」每月儲千幾蚊零用剛進大學不夠半年的Kenickie則沒有任何收入，「我無做兼職賺錢，亦無咩投資，每月會儲起千幾蚊零用錢。

」使剩獎學金交家人打理Tommy每年獲八萬元